والله مش عارف احنا هنوصل لغاية فين بالفساد المتفشى فينا ده زى الوباء
و مش عارف احنا بنتقدم ولا بنتأخر ولا بنعمل ايه بالظبط
ولا عارف تصنيفنا وسط الدول عموما
بس الأكيد اننا بقينا حاجة كده مينفعش تتصنف
بقينا اضحوكة بين كل الدول والله باللى بنعمله ده
المقدمة الطويلة العريضة دى بس عشان الخبر الجامد جدا اللى قريته لسه حالا طازه
قال ايه باه,عشان يعنى الناس تاكل لحمة و تتظبط و تشرب شوربه بقى و كده
طبعا مش هيخلى الناس تاكل افيال
لكن اللحمة عجوزة و عمرها اكتر من 5 سنين,فبيسومها افيال يعنى
المهم ان الموضوع ده مخالف للوائح اللجنه الطبية البيطريه
و اللى يضحك بقى ان اللجنة الطبية البيطرية دى كانت مع الراجل ده فى الهند و هو بيشترى اللحمة عشان يكشفوا عليها
و الرجل كتر خيره مد اقامة اللجنة 10 ايام بدون ابداء اسباب
طبعا ما هى الهند ام العجايب يمكن يتعاقدوا كمان على شوية نسانيس و بقر من اللى بيوقف الشارع هناك
و خلى الناس تاكل,دول شوية جعانين هيدقوا يعنى على اللحمة بتاعة افيال ولا قرود ولا حتى هنود
و اللحمة هتنزل فى السوق و الناس هتاكلها,غلابة نفسهم ياكلوا لحمة و بيفكروا انهم ياكلوها حتى لو هيموتوا بعد ما ياكلوها
و بعدين الكيلو بتاعها ب 9 جنيه
يعنى ارخص من كيلو الجبنة !!!
المهم ان اللى وافقوا على دخول الحاجات دى مصر ميبقوش يعيطوا زى ما حضل بعد لحمة توفيق عبد الحى ولحوم النسور و الصقور
اللى كان اكلها للناس من حوالى 20 سنة
2 comments:
ياعم قرود ونسانيس وافيال ايه ؟ كده بطن الواحد تقلب عليه ... بصراحة مفيش احلي لحم الحميير والدليل على كده الاقبال الرهيب اللي بيكون علي اللحمة
انا فاكر مرة لما قبضوا علي جزار بيبيع لحم حمير ..الناس كانت زعلانة قوي عشان اللحمة كانت عجباهم وطعمها لذيذ طبعا مكنوش عارفين انها حميري
المشكلة ان النصابين دول مستغلين ان قطاع كبير من الشعب المصرى مش حافظ طعم اللحمة لانه بياكلها فى المواسم وبالتالي بيضحك عليه بسهولة حتي لو لحم قطط :))
السلام عليكم
المشكلة مش في الحكومة ،المشكلة في نظرتهم للمصريين بناة الأهرامات أنهم قادرين على هضم أي شيء طبعا مش فراعنة ، يبقي يأكلوا لحم أفيال نسانيس ، حمير إن شاء الله حصنة مش مشكلة
أصل معدتنا تهضم الزلط ومافيش حاجة تقدر عليها
ده من ناحية ، الناحية التانية بقي أننا عددنا كتير اوي وبقت الدنيا زحمة، والدول ياعيني ياعيني تعبانة معانا ،ونفسها تقلل عددنا . ايه يعني لما تسمم الناس وتموتهم ..كام واحد هيموت مليون ..مشمشكلة عندنا لسه 60
والعدد في الليمون ..دول نفسهم يخلصوا منا خالص ..بس مش قادرين ..لسه لم يبتكروا طريقة للقتل الجماعى أو مذبحة شعبية
ولا عزاء لأكلى اللحوم
Post a Comment