امبارح كنت بقلب فى البلوجز و دخلت على البلوج بتاع جار القمر
هو عموما شاب دماغة كويسة و اسلوبه كويس جداااااا
المهم كان كاتب موضوع عن صدام حسين و بيدافع عن انه شهيد
هو الكلام طبعا يحتمل اننا نتفق معاه او نختلف
لكن فيه نقطه استفزتنى جدا
قال ان من ادلة شهادة صدام ان صورته ظهررت عالقمر بعد ما مات !!!!!!
طيب يعنى لما سيدنا ابراهيم ابن سيدنا محمد( صلى الله عليه و سلم) مات
الناس قالت ان القمر انخسف عشان موته
النبى قال ان الشمس و القمر ايتين من ايات الله
لا ينخسفان لموت احد
بالعقل كده ياعم هيثم
القمر اللى منخسفش عشان موت سيدنا ابراهيم
هتظهر صورة صدام عليه !!!؟؟؟؟
4 comments:
سيدي العزيز .. شرح التدوينات يفسدها .. بس احب اوضح لحضرتك ان البوست من قبيل السخريه المريره .. و زي مانا كاتب هناك .. فان الاسباب دي موجوده على مواقع و منتديات .. و جماعه كبيره من الشباب مقتنعين بيها و مصدقينها و خاصة قصة القمر
...
يعني من الاخر كنت باسخر منهم يا بيه مش باشجع الفكره او باسوق ليها
..
شكرا ع الاطراء
:))
ماشى ياعم هيثم, الغلط عندى انا فى الفهم :) و عموما يا سيدى شكرا على الإيضاح :)
لأ طبعا الغلط من عندي انا .. و كون ان رسالة المقال او التدوينه وصلت غلط فده معناه عيب في الكاتب .. عندي دي المره دي يا بيه .. واهي فرصه ظريفه اني دخلت مدونتك الجميله للمره الاولى .. تحياتي
مش عاوز اقول كلام مجاملة و اكرر الكلام البايت, بس انت فعلا كاتب مميز و دماغك نضيفة جدااااااا, و الفرصة السعيدة بجد هى انى عرفتك, و ان مدونتى الصغنونة جدا اتشرفت بزائر زيك,
Post a Comment